飲雪梨水可解暑

炎炎夏日，市民除了多食水，還可購買簡單的食材，煲出時令湯水。中醫師徐錦祺表示，最簡單可以飲雪梨水，有滋潤之效。只需幾個連皮去心的雪梨，加水煲滾即可，即使未完全飲用，亦可放入雪櫃冷藏，保存四日左右，繼續飲用。

雪櫃冷藏 須再煲熱才飲用

他昨日接受訪問時稱，夏天天氣炎熱，不時令人流失汗水，從中醫角度而言，流汗等同血液流失，故此應飲用可補充水份的湯水，以滋潤津液。他指出，增液湯適合老少咸宜享用，只需玄蔘、山地各一両；蜜冬、沙蔘、肉竹、羅漢果、百合各三錢；再加四個連皮去心的雪梨和瘦肉，便是夏日滋陰潤肺的增液湯。除了滋潤肺部，亦有助補充流失了的水分，又有助通便。

徐錦祺強調，沒有加入肉類的湯水才可保留，其他即使放入雪櫃後，想翻熱再次飲用，不應該用微波爐「叮」，建議用火再次煲熱飲用。另外，卑薢湯亦是另一選擇，五錢卑薢、一斤冬瓜、一両薏米、赤小豆和扁豆各二両，再加一條魚尾便可。此湯水有助解暑散熱，亦可去濕毒及排便，對於疲累者適合不過。